Ål har eksistert som kommune frå formannskapslova kom i 1837. Den 1. januar i 1877 vart Hol skild ut frå Ål og vart eigen kommune.
Den gamle Tingstugu frå 1764 gjekk med i storbrannen på Sundre 11. mars 1931.

Aar 1931 den 12 mars, hadde Aal formannskap møte i Aal sparebanks lokaler i anledning branden den 11.d.m. Fråværende A. Breie, H. Gjørud og O.H. Tretterud, av varamenn møtte Knut Tveito og A. Urholdt. Møtet vart ledet av viseordfører.

Vart referert at branden begynte i Aal gamle Tingstugu som brendte ned, dessutan O.S. Hajems gård, O. Skriens gård, O. Perstølens gård, Aal handelslag gård og Sundre hotell.

Samlige kasserere møtte. Herredskasserer A. Solheim meddelte at de viktigste av regnskapsbøkene vedk hans kasse var reddet. Av de kontanter han forvaltet brente bare noen få kroner. Av statsobligasjoner 1930 brente kr. 1.500,- og av statsobligasjoner 1918 brente kr 2.500,- dessuten en del pantobligasjoner. Kasserer for elektrisitetsverket meddelte: at alle regnskapsbøker vedk ektrisitetsverket var brent dessuten kassabeholdningen ca kr 600,-. Kasserer for trygdekassa meddelte at kontoboka for arbeidsgivere og frivillige vart brent dessuten en del av arkivet.

Hele kommunearkivet brente. Formannskapet er av den mening at noen andre foranstaltninger i anledning branden, nu ikkje blir å foreta.

Møtet slutt. L Skrattegard, Ola Perstølen, Aksel Urholt, K. T. Tveito.

Ein del protokollar vart rekonstruert og skrive inn at på nytt av ordf. Arnfinn Breie i 1931- 1935, saman med tidlegare ordførar Erling Bekkestad.

I ein av protokollane står følgjande:

"Ved brannen på Sundre 11. mars 1931, brann det meste av kommunearkivet. For å få i stand att møtebøkene for heradstyret, vart hovudutskriftene, som etter kvart møte var innsende til fylkesmannen, utlånt frå Riksarkivet og skrive av i protokollar. I denne boka er innført utskriftene av heradstyremøtene frå 1881 til 1901."

I ein annan protokoll står det å lese:

Forangående utskrifter av Aal formannskaps- og herredstyrets forhandlinger i tidsrummet 30/ 1- 1902 til 22/6 - 1910, der er innført i nårverende gjennomdragne og til 478 paginerte sider, er ordlydende efter de originale fra formannskapet til Buskerud fylke innsendte generalutskrifter."

Arnfinn Breie E. Bekkestad

Den nye Tingstugu vart teke i bruk i bruk seinhausten 1932. Ål formannskap hadde sitt fyrste møte i Tingstugu 22. desember 1932 og Ål kommunestyre hadde sitt fyrste møte i den nye Tingstugu 16. mars 1933. Den som var ordførar tok vare på alle inn og utgåande skriv. Han var den som hadde ansvaret for at møteboka vart ført og at vedtaka vart gjennomført. Alle sakspapira og inn- og utgåande skriv vart samla i store konvoluttar. På desse sto det kanskje frå før; Til ordføraren i Ål. Desse konvoluttane fungerte som arkiv. Utanpå vart årstalet skrive med store bokstavar. Rundt konvolutten var det ofte, surra ein kraftig hyssing. Var konvolutten stor nok kunne det vera papir for opptil 2 år i den dersom det var stille år.

Papirmengda auka på utover, men systemet med ”arkivet i konvolutten” held på. Inngåande dokument auka merkbart ved start av krigen 1940. Det var ymse pålegg og instruksar frå den tyske krigsmakta. Det var ikkje alle som etterkom innhaldet i desse. Det vart difor sendt purrebrev, noko som var ein grunn til den auka inngåande brevmengda. Utgåande skriv var det heller lite av i krigsåra.

Riksarkivaren har pålagt at alle arkivsaker i krigsåra og fram t o m 1950 skal takast vare på for alltid. Ingenting av dette må kasserast !

Frå kring 1960 vart arkivboksar teke i bruk. Dokumenta vart ”arkivert” etter emne og ved bruk av saksomslag, nummerert etter ROALDS Kommunale Arkivsystem. Ordføraren hadde framleis arkivansvaret.

Kopiar av utgåande brev, vart skrive med gjennomslagspapir på skrivemaskin, andre kopiar vart skrive med blåpapirgjennomslag for hand. Var det skriv som måtte sendast einkvan til uttale, vart det skrive på sjølve skrivet som vart sendt. Ein hadde då ikkje att noko i eige ”arkiv”. Dette endra seg då ein på 1960-talet fekk spritduplikator og stensilmaskin. Når ein i tillegg fekk stensilbrenner var dette med å sikre at dokument var mangfalda og arkivert. I 1968 kom NHF arkivplan, utarbeidd av Noregs Heradsforbunds arkivkomite og godkjent av Riksarkivet, som vart teke i bruk. Ein fekk då ein ny arkivnøkkel. Dette systemet vart betra utover 1980-åra. I 1993 kom det nye arkivsystemet med K-kodar og endå ein ny arkivnøkkel vart teke i bruk, denne vert framleis nytta. På kvar etat vart det oppretta eige sakarkiv med manuell postregistrerings journal. Seinhausten 1985 vart det innført elektronisk postregistrering og etterkvart og sakshandsaming.

Frå 01.01.2003 vart det oppretta eit tilnærma felles sakarkiv for kommunen, personalarkivet er også sentralisert slik at ein har eit personalarkiv for heile kommunen.

I januar 2012 var sakarkivet fullelektronisk og i januar 2014 vart barnevernarkivet fullelektornisk.

I juni 2014 vart delar av papirakrivet avlevert i IKA Kongsberg (interkommunalt akriv) for deponering.

Kommunale styre, råd og utval/kommunale etatar.

Viktige styre og råd frå før 1900 og utover var fattigstyre (seinare sosialstyre) og skulestyre. Seinare kom edruskapsnemnd, jordstyre og bygningsråd i tillegg til fleire. Formennene i desse styra fungerte på same måte som ordføraren hadde gjort. Dei var også ”arkivar” for sine dokument. Dokumenta fylgde formannsvervet og vart overlevert ved kvart skifte.Kommunale etatar kom til etterkvart. Den første ”etaten” var jordstyrekontoret i midten av 50-åra. Den laga sitt eige arkiv, bygd på gards- og bruksnummer. Dette gards- og bruksnummerarkivet held på framleis.

Frå 1977 vert saksarkivet ordna etter same system som Landbruksdepartementet, Fylkeslandsbrukskontoret og Jordstyret, kalla ”Ajoure”, og dei gamle dokumenta frå saksarkivet vert overflytta til dette arkivet. Frå 1984 til 1993 var landbrukskontoret statleg. Etter ein felles avtale har kommunen behalde dette arkivmaterialet i kommunen.

Kommuneingeniørkontoret, som vart etablert på 1960 talet med kommuneteknikar, bygde sitt arkivsystem på gard- og bruksnummer når det vedkjem byggesakshandsaming, men tok og i bruk KS-systemet for inn- og utgåande post då dette kom.

Skulekontoret vart oppretta i 1963 med lokale på den nybygde Ål ungdomsskule.

Alt frå Ål vart eigen kommune, hadde heradskassa vore ein ”etat” som skulle stå for alle utbetalingar etter vedtak i kommunestyret og tilvisning av ordførar. Ein kan vanskeleg kalle det ”etat” slik ein meiner med etat i dag. Den som fekk oppdraget måtte ta det på tilbod. Den med lågaste tilbodet fekk som regel vervet med utbetalingar og innkrevjing av skattar. Dokumentmengda var ikkje av den største, men alt av denne har nok ikkje vorte teke vare på.

Link til gammel arkivplan

Arkivplan, datert 08.06.2005.pdf 6,84 MB

(Det er gjort endringar i nemndstruktur og organisasjonsmodellen fleire gonger gjennom åra. Sjå vedlegg under kap. 6

Frå årsskiftet 2003/2004 var siste omorganisering med endring av namn og samanslåing av hovudutval til

Kontor2000 fra 1. september 1998 EDB ESA fra januar 2006 Scanning frå 4. september 2006 Public 360 fra 16. januar 2012)